जिल्हा प्रशासनातर्फे ग्राम पातळीपर्यंत लसीकरणाचे नियोजन.
४४ हजार ९६३ जनावरांचे लसीकरण
नांदेड प्रतिनिधी, दि. २३ :- नांदेड जिल्ह्यात लम्पी आजाराचा प्रादुर्भाव रोखण्यासाठी जिल्हा प्रशासनाने गावपातळीपर्यंत ग्रामपंचायतींना दक्षतेचे निर्देश दिले आहेत.
आजच्या स्थितीत नांदेड जिल्ह्यात एकुण १९ बाधीत गावे झाली आहेत. या बाधीत गावातील पशुधन संख्या (गाय वर्ग) १० हजार १३८ एवढी आहे. यातील लम्पी बाधीत पशुधन संख्या (गाय वर्ग) ७१ एवढी आहे. बाधीत गावाच्या ५किमी परिघातील गावांची संख्या १३८ एवढी झाली आहे. एकुण गावे (बाधित अधिक ५ किमी परीघ) १५७ गावातील पशुधनाची संख्या ही ४८ हजार २४९ एवढी आहे. यात बाधित व परिघाच्या गावातील पशुधनाची संख्या ५८ हजार ३८७ एवढी गणण्यात आली आहे.
लसीकरणाच्या दृष्टिकोनातून सद्यस्थितीत उपलब्ध लस मात्रा २ लाख १० हजार एवढी आहे. आज रोजी २६ हजार ४०२ जनावरांचे लसीकरण झाले आहे. तर एकुण प्रागतिक लसीकरण हे ४४ हजार ९६३ एवढे आहे. मृत पशुधनाची संख्या २ एवढी आहे.
