काल दि.०६ डिसेंबर २०२२ रोजी सावित्रीबाई फुले प्राथमिक व माध्यमिक विद्यालय देगलूर येथे भारतरत्न डॉ.बाबासाहेब आंबेडकर यांच्या महापरिनिर्वाण दिनी त्यांना अभिवादन करण्यात आले .यानिमित्ताने विद्यालयात भाषणाचे व डॉ. सुनील जाधव यांचे गीतगायनाचे कार्यक्रम आयोजित केला होता.
कार्यक्रमाच्या अध्यक्षस्थानी लोकहित शिक्षण संस्थेचे उपाध्यक्ष तथा माध्यमिक विद्यालयाचे मुख्याध्यापक श्री .वाय.आर.गजभारे सर , प्राथमिक विभागाचे मुख्याध्यापक श्री के.सी.पाटील सर व प्रमुख पाहुणे म्हणून लोकहित शिक्षण संस्थेचे सदस्य श्री कंधारकर सर , डॉ.सुनील जाधव सर , प्रबोधनकार श्री कचरे सर हे होते आणि कार्यक्रमास विद्यालयातील सर्व शिक्षक ,शिक्षिका व शिक्षकेत्तर कर्मचाऱ्यांची उपस्थिती होती.
यामध्ये अनेक विद्यार्थ्यांनी बाबासाहेबांच्या जीवनावर भाषणे व गीते सादर केली.डॉ. जाधव यांनी दोन च राजे इथे गाजले मधुर गीतांमधून बाबासाहेबाना अभिवादन केले व देश भक्ति गीत , भीम व शिव गीत गाऊन विद्यार्थ्यांना प्रोत्साहित केले तर कचरे सरांनी बाबासाहेबाबद्दल सखोल असे मार्गदर्शन केले.
कार्यक्रमात सहभागी होणाऱ्या सर्व विद्यार्थ्यांस नेहमीप्रमाणे प्राथमिक पदवीधर शिक्षक श्री बोरगावकर सर यांच्यातर्फे प्रोत्साहन म्हणून वही व पेन बक्षिसे यशवंत गजभारे सर , पाटील के . सी .सर व डॉ. सुनील जाधव यांच्या हस्ते देण्यात आली.
