देगलूर प्रतिनिधी,दि.०८:- विधानसभा सार्वत्रिक निवडणूक २०२४कार्यक्रम अंतर्गत ९०-देगलूर मतदार संघातील निवडणूक लढविणाऱ्या उमेदवारांचा निवडणूक खर्च संनियंत्रणाच्या अनुषंगाने उमेदवारांनी दाखल करावयाच्या दैनंदिन खर्चाच्या नोंद वहीची प्रथम तपासणी दि.७ नोव्हेंबर गुरुवार रोजी पार पडली.
मा.खर्च निरीक्षक ऐ गोविंदराज यांच्या अध्यक्षतेखाली सदरील पहिली तपासणी येथील पंचायत समिती सभागृहात करून त्यांनी प्रत्येक उमेदवारांनी दहा हजारावरचा खर्च धनादेश आर टी जेईएस, गुगल पे ,पेएटीएम आदी डिजीटल माध्यमामार्फत करावेत,
व्यवहारात पारदर्शकता ठेवावी .तसेच जाहिरात, वाहतूक, प्रचार साधन साहित्य व इतर यावरील खर्चा बाबत आढावा घेऊन तपासणी केली.
मतदारसंघातील उमेदवारांची खर्च निरीक्षक यांच्यासमोर भारत निवडणूक आयोगाकडून वेळोवेळी निर्गमित केलेल्या परिपत्रकानुसार लोकप्रतिनिधित्व अधिनियम १९५१ च्या कलम ७७ नुसार निवडणुकीच्या वेळेस प्रत्येक उमेदवार अथवा निवडणूक
प्रतिनिधी द्वारे त्याला /तिला नामनिर्देशित करण्यात आले आहे त्या दिनांकापासून निवडणुकीच्या निकाल लागणाऱ्या दिनांका पर्यंत दोन्ही दिनांक धरून त्यांनी किंवा त्यांच्या निवडणूक प्रतिनिधीने
केलेला किंवा प्राधिकृत केलेल्या सर्व खर्चाचा स्वतंत्र तसेच अचूक हिशोब ठेवणे आवश्यक आहे. आयोगाने वेळोवेळी निर्गमित केलेल्या परिपत्रकानुसार विधानसभा सार्वत्रिक निवडणूक उमेदवारांच्या निवडणूक खर्चाची पुढील द्वितीय तपासणी दि.११
नोव्हेंबर २०२४ सोमवार रोजी (१०ते ५ वा.) तसेच तृतीय तपासणी दि.१५ नोव्हेंबर २०२४ शुक्रवार रोजी सकाळी (१० ते ५ वा.) होणार आहे याबाबत उमेदवार व प्रतिनीधीस सुचना देण्यात आल्या.
सदर वेळेस अनुपस्थित राहणारे उमेदवारांना भारत निवडणूक आयोगाकडून निर्गमित केलेल्या परिपत्रकानुसार कार्यवाहीस पात्र असणार आहेत.
कायद्याचे आवश्यकतांचे अनुपालन करण्यास निवडणूक लढविणाऱ्या उमेदवाराने कसूर केल्यास लोकप्रतिनिधित्व अधिनियम १५५१ कलम १०क अन्वये निवडणूक आयोगाकडून कार्यवाही करण्यात येईल असे ही यावेळी ऐ गोविंदराज निवडणूक खर्च निरीक्षकांनी सूचीत केले.
यावेळी निवडणूक निर्णय अधिकारी श्रीमती क्रांती डोंबे, सहाय्यक निवडणूक निर्णय अधिकारी भरत सूर्यवंशी,सहाय्यक निवडणूक निर्णय अधिकारी गजानन शिंदे , खर्च नोडल अधिकारी, पथक प्रमुख तथा उपकोषागार अधिकारी एस. एस. रामोड, खर्च पथक
प्रमुख तथा नोडल अधिकारी मनोहर ढेंगळे, सहाय्यक खर्च पथक प्रमुख परमेश्वर माळी, कार्यकारी अभियंता गंगथडे ९०-देगलूर विधानसभा मतदारसंघ विधानसभा सार्वत्रिक निवडणूक २०२४ यांनी माहीती दिली.
