देगलूर प्रतिनिधी दि.०९ :- देगलूर बिलोली विधानसभा मतदार संघातील लोकसभा पोटनिवडणुकीतील व विधानसभेसाठी दिव्यांग व ऐंशी वर्षापेक्षा अधिक वय असलेले आणि मतदान केंद्रावर जाऊन मतदानाचा हक्क बजावू न शकणाऱ्या १५४ मतदारांच्या गृहभेटी देऊन मतदान करण्याची प्रक्रिया एका दिवसात पूर्ण करावी व या मतदानाबाबत सर्वच पथकांनी आचार संहितेच्या निर्देशानुसार गुप्तता पाळाव्यात असे मार्गदर्शन निवडणूक निर्णय अधिकारी श्रीमती क्रांती डोंबे यांनी सर्व पथक प्रमुखांना केले.
लोकसभा पोटनिवडणूक व विधानसभेसाठी २० नोव्हेंबर रोजी मतदान प्रक्रिया पार पडणार आहे. मतदानाची टक्केवारी वाढावी सर्व स्तरातील मतदारांना मतदानाचा हक्क बजावता यावा यासाठी निवडणूक विभागाकडून विविध उपक्रम राबवून मोठ्या प्रमाणात जनजागृती करण्यात येत आहे. प्रत्यक्ष मतदानापूर्वी मतदार संघातील दिव्यांग तसेच ज्या मतदारांना मतदान केंद्रावर जाऊन मतदान करता येत नाही अशा ८० वर्षापेक्षा अधिक वय असलेल्या मतदारांच्या घरी भेटी देऊन त्यांचे मतदान करून घेण्यात येणार आहे.
निवडणूक निर्णय अधिकारी श्रीमती क्रांती डोंबे यांच्या अध्यक्षतेखाली व सहाय्यक निवडणूक निर्णय अधिकारी तथा तहसीलदार भरत सूर्यवंशी, सहाय्यक निवडणूक निर्णय अधिकारी तथा तहसीलदार बिलोली गजानन शिंदे, नायब तहसीलदार बालाजी मिठ्ठेवाड , आचारसंहिता पथक प्रमुख शेखर देशमुख, बिलोली मुख्याधिकारी सतीश पुदाके यांच्या उपस्थितीत दि. ०७ नोव्हेंबर गुरुवार रोजी पंचायत समिती सभागृहात गृह मतदानाबाबत नियुक्त करण्यात आलेल्या सर्व पथकातील कर्मचाऱ्यांची बैठक घेऊन त्यांना मार्गदर्शन करण्यात आले.
मतदार संघात लोकसभा पोटनिवडणूक व विधानसभेसाठी गृहभेटीतून १५४ मतदार मतदानाचा हक्क बजावणार आहेत.त्यासाठी क्षेत्रीय अधिकारी, तलाठी व मंडळ अधिकारी यांच्या सहकार्याने पथक गठीत करण्यात आले आहेत त्यामध्ये सूक्ष्मनिरीक्षक पोलीस अधिकारी, व्हिडिओ ग्राफर यांचा समावेश असणार आहे. या पथकाच्या उपस्थितीत गुप्त पद्धतीने इन कॅमेरा मतदान प्रक्रिया पूर्ण करण्यात येणार आहे.
दि. ०९ नोव्हेंबर शनिवार रोजी गृहभेटीतून होत असलेल्या मतदानाबाबत कोणाकडूनही आदर्श आचारसंहितेचा भंग होणार नाही. पथक प्रमुखांच्या सूचनेप्रमाणे ही प्रक्रिया एका दिवसात पूर्ण करावी .ही प्रक्रिया एका दिवसात पूर्ण नाही झाली तर परत एकदा दुसऱ्यांदा पाठविण्यात येणार असल्याचे
अशा सूचना निवडणूक निर्णय अधिकाऱ्यांनी दिल्या आहेत.
