मुंबई दि. २ ऑगस्ट २०२५ – रिपब्लिकन पार्टी ऑफ इंडिया (आठवले) पक्षाचे मराठवाडा उपाध्यक्ष चंद्रकांत ठाणेकर यांना महाराष्ट्र शासनातर्फे डॉ. बाबासाहेब आंबेडकर समाज भूषण पुरस्कार प्रदान करण्यात आला. या विशेष सन्मानप्राप्तीनंतर त्यांचा सत्कार मुंबई येथील यशवंतराव चव्हाण सभागृहात पार पडला.
RPI राष्ट्रीय अध्यक्ष तथा केंद्रीय सामाजिक न्याय राज्यमंत्री ना. रामदासजी आठवले यांच्या हस्ते ठाणेकर यांना पुष्पगुच्छ देऊन सन्मानित करण्यात आले. हा सोहळा RPI पक्षाच्या महाराष्ट्र राज्य कार्यकारिणीच्या बैठकीदरम्यान संपन्न झाला.
या वेळी विविध मान्यवरांची उपस्थिती लाभली होती. माजी मंत्री अविनाश महातेकर, राष्ट्रीय सचिव दयाल बहादुरे, प्रदेश अध्यक्ष राजाभाऊ सरवदे, महाराष्ट्र सरचिटणीस गौतम सोनवणे, प्रदेश कार्याध्यक्ष बाबुराव कदम, युवा प्रदेशाध्यक्ष पप्पू कागदे, शिलाताई गांगुर्डे, अनिलभाई गांगुर्डे, सिद्धार्थ कासारे, ब्रह्मानंद चव्हाण, चंद्रकांत चिकटे, बाबासाहेब कांबळे, तसेच RPI युवा नांदेड जिल्हाध्यक्ष ॲड. प्रकाश ठाणेकर आदी पदाधिकारी आणि कार्यकर्ते मोठ्या संख्येने उपस्थित होते.
कार्यक्रमात ठाणेकर यांच्या समाजकार्याचे सर्व स्तरांतून कौतुक करण्यात आले आणि त्यांच्या पुढील वाटचालीस शुभेच्छा देण्यात आल्या.
