नांदेड एसटी आगारात भगवान चक्रधर स्वामी जयंती साजरी
नांदेड (दि. २५ ऑगस्ट) – महानुभाव पंथाचे संस्थापक भगवान सर्वज्ञ श्री चक्रधर स्वामी यांची ८८३ वी जयंती आज एसटी आगार, नांदेड येथे उत्साहात साजरी करण्यात आली. कार्यक्रमाची सुरुवात विभागीय वाहतूक अधीक्षक तथा प्रभारी आगार व्यवस्थापक मिलिंद सोनाळे यांच्या हस्ते श्री चक्रधर स्वामी यांच्या प्रतिमेला पुष्पमाला अर्पण करून झाली.
या प्रसंगी प्रमुख वक्ते तथा सामाजिक कार्यकर्ते गुणवंत एच. मिसलवाड यांनी भगवान चक्रधर स्वामींच्या मानवकल्याणासाठीच्या कार्याचा गौरव केला आणि त्यांचे विचार व सेवा समाजात रुजविण्याचे आवाहन उपस्थितांना केले.
कार्यक्रमास सहाय्यक कार्यशाळा अधीक्षक विष्णू हारकळ, चार्जमन योगेश जगताप, मनोहर माळगे, विनायक चव्हाण, वाहतूक नियंत्रक पायल बैस, वाहन परीक्षक शंकर ढगे, वरिष्ठ लिपिक संतोष ढोले आदी अधिकारी, कर्मचारी आणि कष्टकरी मोठ्या संख्येने उपस्थित होते.