पत्रकार सुनील मदनुरे पाटील यांची नांदेड जिल्हा उपजिल्हाप्रमुखपदी निवड
देगलूर प्रतिनिधी, दि १०:- शिवसेना शिंदे गटाच्या बांधकाम कामगार सेनेच्या नांदेड जिल्ह्याच्या उपजिल्हाप्रमुखपदी पत्रकार तथा संपादक सुनील मदनुरे पाटील यांची निवड करण्यात आली आहे.
महाराष्ट्र राज्याचे उपमुख्यमंत्री एकनाथराव शिंदे यांच्या आदेशानुसार तसेच राज्यप्रमुख प्रीतम सेट धारिया, श्री. विनोद भिमराव नेमाडे (मराठवाडा प्रमुख) आणि जिल्हाप्रमुख रवी अर्जुनराव पोटफोडे यांच्या शिफारसीनुसार ही निवड करण्यात आली.
यावेळी उपजिल्हाप्रमुख चव्हाण साहेब, देगलूर तालुकाप्रमुख अशोकराव पांडलवार, जिल्हाप्रमुख रवी अर्जुनराव पोटफोडे आदी पदाधिकारी उपस्थित होते.
आपल्या भाषणात सुनील मदनुरे पाटील म्हणाले की, “आपल्याला एकनाथराव शिंदेसारखा नेता लाभलेला आहे. शिंदे साहेब कार्यकर्त्यांना जपणारे व तळागाळातील जनतेला मदत करणारे नेते आहेत.
मला मिळालेलं हे पद माझ्यासाठी भाग्याची गोष्ट आहे. या पदाचा उपयोग करून मी गोरगरीब बांधकाम कामगार व कष्टकरी लोकांसाठी शासनाच्या सर्व योजना पोहोचविण्याचे काम करेन.”
तसेच ते पुढे म्हणाले की, “आमदार हेमंतभाऊ पाटील, आमदार बालाजीराव कल्याणकर आणि आमदार आनंदराव बोंढारकर यांच्या नेतृत्वाखाली नांदेड जिल्ह्यात शिवसेना हा पहिला क्रमांकाचा पक्ष बनवू.”
यानंतर सर्व पदाधिकाऱ्यांनी सुनील मदनुरे पाटील यांना पुढील राजकीय वाटचालीसाठी शुभेच्छा दिल्या.