देगलूर प्रतिनिधी दि.२७ :- दिनांक २५ नोव्हेंबर २०२५ रोजी माननीय जिल्हा शल्यचकित्सक डॉक्टर पेरके यांच्या मार्गदर्शनाखाली तसेच माननीय वैद्यकीय वैद्यकीय अधीक्षक डॉक्टर नरेश देवणीकर यांच्या देखरेखीखाली उपजिल्हा रुग्णालय देगलूर येथे २२ रुग्णांवरती यशस्वी शस्त्रक्रिया करण्यात आल्या त्यामध्ये १७ मेजर शस्त्रक्रियांपैकी ३ रुग्णांवरती सिझेरियन सेक्शन शस्त्रक्रिया करण्यात आल्या तसेच २ रुग्णांवरती
हर्नियाच्या शस्त्रक्रिया करण्यात आली त्याचप्रमाणे १२ रुग्णांवरती स्त्री कुटुंब नियोजन शस्त्रक्रिया करण्यात आल्या , अशा एकूण १७ मेजर शस्त्रक्रिया करण्यात आल्या,उर्वरित ५ शस्त्रक्रिया या मायनर स्वरूपाचे असून शरीरावरील विविध प्रकारच्या गाठींवर शस्त्रक्रिया करण्यात आल्या.
सदर शस्त्रक्रियेसाठी जिल्हास्तरावरून शल्यचिकित्सक डॉक्टर भास्कर आवटी तसेच उपजिल्हा रुग्णालय कंधार येथील स्त्री रोग तज्ञ डॉक्टर टोम्पे , उप जिल्हा रुग्णालय बिलोली येथील वैद्यकीय अधीक्षक डॉ विजय कुमार मोरे यांनी सदरच्या शस्त्रक्रिया पार पाडल्या.
सदरच्या शिबिरासाठी भूलतज्ञ म्हणून डॉक्टर अनिल थडके ,डॉक्टर महेश पेटकर , तसेच ओटी स्टाफ बोईनवाड सिस्टर, धुमाळे सिस्टर गोंदे सिस्टर, शिरगिरे सिस्टर, जमील, गौतम , विजय चेंडके , सचिन तसेच उपजिल्हा रुग्णालयातील सर्व अधिकारी व कर्मचारी यांनी सदर शिबिर यशस्वी करण्यासाठी मेहनत घेतली.
अशा प्रकारच्या शस्त्रक्रिया शिबिरांचे आयोजन उपजिल्हा रुग्णालय देगलूर येथे दर महिन्याच्या प्रत्येक मंगळवारी करण्यात येते तरीही वैद्यकीय अधीक्षक डॉक्टर नरेश देवनीकर यांनी सदर शिबिराचा लाभ घेण्यासाठी गरजूंनी उपजिल्हा रुग्णालय देगलूर येथे संपर्क साधावा व सदर शिबिरांचा लाभ घ्यावा असे आवाहन केले.