आई-वडिलांच्या हस्ते ‘मराठीबाणा न्यूज LIVE’ संपर्क कार्यालयाचे 28 जानेवारी रोजी उद्घाटन
पालकांच्या आशीर्वादातून कार्याची सुरुवात; समाजापुढे संस्कारांचा आदर्श
किनवट प्रतिनिधी दि.२७:- किनवट तालुक्यातील मराठीबाणा न्यूज LIVE व दैनिक आत्तार एक्सप्रेस यांच्या संपर्क कार्यालयाचे उद्घाटन बुधवार, दि. २८ जानेवारी २०२६ रोजी दुपारी २ वाजता ग्रामीण रुग्णालय रोड, गावठाणा (ता. किनवट, जि. नांदेड) येथे होणार आहे.
या उद्घाटन सोहळ्याची विशेष बाब म्हणजे कार्यालयाचा शुभारंभ स्वतःला घडवणाऱ्या आई-वडिलांच्या हस्ते करण्यात येणार आहे. उद्घाटक म्हणून श्री नामदेवराव दादाराव मुंडे (बाबा) व सौ. रेवाताई नामदेवराव मुंडे (आई) यांच्या शुभहस्ते फित कापून कार्यक्रम पार पडणार आहे.
कार्यक्रमास मुख्य संपादक श्री सुनील सोपनराव मुंडे यांची विशेष उपस्थिती राहणार असून तालुक्यातील सर्व पत्रकार बांधव, विभागीय कर्मचारी, लोकप्रतिनिधी, व्यावसायिक, सामाजिक कार्यकर्ते व नागरिकांनी मोठ्या संख्येने उपस्थित राहण्याचे आवाहन आयोजकांतर्फे करण्यात आले आहे.
आजच्या धावपळीच्या युगात पालकांचा सन्मान करत त्यांच्या आशीर्वादाने कार्यारंभ करण्याचा हा उपक्रम समाजासाठी प्रेरणादायी ठरणार असून, पत्रकारितेच्या माध्यमातून जनतेचे प्रश्न प्रभावीपणे मांडण्याचा संकल्प यावेळी व्यक्त करण्यात येणार आहे.