निजामाबाद जिल्हाध्यक्षपदी अनंतोजी कालिदास यांची नियुक्ती.
निजामाबाद प्रतिनिधी :- पुरोगामी पत्रकार संघ (भारत) यांच्या तेलंगणा राज्य शाखेच्या वतीने निजामाबाद जिल्हाध्यक्षपदी अनंतोजी कालिदास यांची नियुक्ती करण्यात आली आहे. तेलंगणा राज्याध्यक्ष गजानन बिडकर यांनी दिनांक १९ एप्रिल २०२६ रोजी त्यांना नियुक्तीपत्र प्रदान केले.
अनंतोजी कालिदास यांनी मागील अनेक वर्षांपासून पत्रकारिता क्षेत्रात केलेले उल्लेखनीय कार्य, पत्रकारांच्या प्रश्नांवर सातत्याने घेतलेली भूमिका तसेच सामाजिक बांधिलकी लक्षात घेऊन ही निवड करण्यात आली आहे. त्यांच्या कार्याचा गौरव म्हणूनच त्यांच्यावर निजामाबाद जिल्हाध्यक्षपदाची जबाबदारी सोपविण्यात आली असल्याची माहिती संघटनेच्या पदाधिकाऱ्यांनी दिली.
ही नियुक्ती संघाचे संस्थापक अध्यक्ष विजय सूर्यवंशी, राष्ट्रीय कार्याध्यक्ष बाळासाहेब अढांगळे, राष्ट्रीय उपाध्यक्ष शंकरसिंह ठाकूर तसेच सर्व केंद्रीय पदाधिकाऱ्यांच्या आदेशानुसार करण्यात आली आहे. तेलंगणातील नव्या कार्यकारिणीच्या स्थापनेनंतर करण्यात आलेली ही पहिलीच नियुक्ती असल्याने संघटनेत विशेष उत्साहाचे वातावरण निर्माण झाले आहे.
या प्रसंगी तेलंगणा राज्य सचिव गौरव बिडकर यांनी अनंतोजी कालिदास यांचे अभिनंदन करून त्यांना पुढील कार्यासाठी शुभेच्छा दिल्या. त्यांनी सांगितले की, अनंतोजी कालिदास यांच्या नेतृत्वाखाली निजामाबाद जिल्ह्यात संघटनेचे कार्य अधिक वेगाने व प्रभावीपणे वाढेल, पत्रकारांच्या समस्या सक्षमपणे मांडल्या जातील आणि पत्रकारांना न्याय मिळवून देण्यासाठी संघटना अधिक बळकटपणे कार्य करेल.
नियुक्तीनंतर अनंतोजी कालिदास यांनी संघटनेच्या वरिष्ठ नेतृत्वाचे आभार मानत पत्रकारांच्या हक्कांसाठी, स्वाभिमानासाठी व संघटनेच्या बळकटीसाठी पूर्ण निष्ठेने कार्य करण्याचा विश्वास व्यक्त केला.