देगलूर प्रतिनिधी :- अखिल भारतीय बहुजन ओबीसी अल्पसंख्यांक भ्रष्टाचार निर्मूलन असोसिएशनच्या वतीने देगलूर येथे तालुका कार्यकारिणी पदाधिकाऱ्यांच्या निवडीचा कार्यक्रम उत्साहात पार पडला.
राष्ट्रीय अध्यक्ष सय्यद कलीम मुसा यांच्या मार्गदर्शनाखाली तसेच महाराष्ट्र प्रदेशाध्यक्ष व राष्ट्रीय उपाध्यक्ष बाळासाहेब उर्फ राजू पाटील सुरनर यांच्या हस्ते पदाधिकाऱ्यांची निवड जाहीर करण्यात आली.
यामध्ये देगलूर तालुका उपाध्यक्षपदी शशिकांत वैजनाथ अप्पा पटणे, तालुका कार्याध्यक्षपदी प्रकाश खंडू गवलवार आणि तालुका सचिवपदी गजानन मारुती शिंदे यांची निवड करण्यात आली. तसेच बिलोली तालुका दिव्यांग अध्यक्षपदी गोविंद मारोतराव मोहिते आणि मुखेड शहर अध्यक्षपदी दीपक यांची नियुक्ती करण्यात आली.
कार्यक्रमास महाराष्ट्र प्रदेशाध्यक्ष व राष्ट्रीय उपाध्यक्ष बाळासाहेब उर्फ राजू पाटील सुरनर, नांदेड जिल्हा कार्याध्यक्ष हरिदास श्रीमाने, देगलूर तालुका अध्यक्ष प्रभू वंकलवार यांच्यासह तालुक्यातील अनेक पदाधिकारी व कार्यकर्ते उपस्थित होते. यावेळी मान्यवरांनी संघटनेची उद्दिष्टे, कार्यपद्धती तसेच संघटनात्मक नियमांविषयी मार्गदर्शन केले. कार्यक्रम उत्साहपूर्ण वातावरणात संपन्न झाला.