मदनूर, देगलुर, मरखेल. पोलीसांच्या सयुंक्त कामगीरी मुळे अंतरराज्य जनावर चोरी करणारी टोळी जेरबंद.
गुन्हेगाराकडून पोलिसावर रिवाल्वर ने फायरिंग व दगडफेक.
पोलीस व स्थानिकाच्या मदतीने गुन्हेगार जेरबंद.
देगलुर प्रतिनिधी,दिनांक २८:- मदनूर, देगलुर, मरखेल पोलीसांच्या सयुंक्त कामगीरी मुळे अंतरराज्य जनावर चोरी करणारी टोळी जेरबंद.
याबाबत सविस्तर वृत्त असे की दिनांक २७ रोजी दुपारी २ वाजताच्या सुमारास पो.स्टे मदनूर तेलंगाना येथील पोउपनि शिवकुमार यांनी पो.नि सोहन माछरे पो.स्टे देगलुर यांना फोन वरुन बिचकुंदा व जुक्कल हद्दीतून जनावरे चोरुन टाटा टेम्पो ४०७ या वाहनातून घेवून जात आहेत सदर वाहनास आडवित असताना त्यातील चोरट्या इसमांनी मदनुर पोलीसांच्या वाहनावर दगडफेक करून जिवे घेणा हल्ला केला असुन सदर वाहन हे देगलूर शहराच्या दिशेने येत आहे बिचकुंदा व मदनुर येथील पोलीस त्याचा पाठलाग करीत येत आहेत पो.स्टे हद्दीत नाकाबंदी करून सदर वाहनास थांबविणे बाबत सांगीतले .
सदर माहीती मिळाल्या वरुन पो.नि माछरे यांनी राजगस्त कामी असलेले अधिकारी पो.उप.नि श्रीकांत मोरे, व पोलीस अमलदार पोहेकॉ / २४६२ ज्ञानोबा केंद्रे, पोहेकॉ / २४१७ बचन करले, चालक पोना /४६१ शेख जावेद, पोकों / १७८८ सुधाकर मलदोडे, चालक पोकों/ २८९५ सूर्यकांत महाजन, पोकों / ३११८ क्षितीज भोसले यांना माहीती दिल्याने त्यांनी वेगलूर शहरात नाकाबंदी करुन नमुद वर्णनाचे वाहनास मदनुरनाका येथे थांबविण्याचा प्रयत्न केला.
पन वाहन चालकाने त्याचे वाहन न थांबविता उदगीर रोड ने भरधाव वेगात पळून गेले सदर वाहनाचा पोउपनि मोरे व त्यांचे सोबत चे अमलदार व तेलंगाना पोलीस यांनी पाठलाग करुन वाहन थांविण्याचा प्रयत्न केला असताना कारेगांव येथे जनावर चोरट्यांनी गतिरोधकावर वाहन थांबविण्याचा बाहाना करून चोरट्यांनी त्यांचा टैम्पो रिव्र्व्हस घेवुन तेलंगाना पोलीसांच्या वाहनास धडक देवून मरखेलच्या दिशेने पळ काढला.
त्या मुळे पो.नि माछरे यांनी पो.नि विष्णुकांत गुट्टे, सपोनि नामदेव मद्दे पो.स्टे मरखेल यांना माहीती दिल्याने सपोनि मद्दे व सोबत पो. कॉ. ३२०७ चंद्रकांत पांढरे, पो. कॉ. २५८ ग्यानोबा केंद्रे यांनी मरखेल बसस्थानका जवळ नाकाबंदी करुन वाहन थांबविण्याचा प्रयत्न केला परंतु नाकाबंदी तोडुन वाहन हाणेगांवच्या दिशेने गेल्याने पो. नि. विष्णुकांत गुट्टे व चालक पोहेकॉ २४४८ मंगनाळे यांनी हाणेगांव येथे स्थानिकांच्या मदतीने मोठे वाहन ट्रेलर रोडवर आडवे लावुन नाकाबंदी केली.
सदर चोरटे समोर थांबविलेले वाहन पाहुन त्यांचे टेम्पो चळवून घेत असताना पो.स्टे मरखेल येथील पोलीस जिपला धडकुन चोरट्यांचा टेम्पो रोडच्या खाली गेला त्या वेळी टेम्पोच्या पाठलागावर असलेल्या पोलीसांनी टेम्पोतील इसमांना ताब्यात घेत असताना आंधाराचा फायदा घेवुन काही पाच चोरटे पळून गेले व त्यातील एक चोरटा नामे आरशद सुभानखान वय ३२ वर्षे रा. गावरका जि. मेवात हरीयाना यास ताब्यात घेवून ४०७ टेम्पो टेम्पोत असलेल्या जनावरासह मुद्देमाल पोस्टे मदनुर तेलंगांना येथील एस.आय शिवकुमार यांच्या ताब्यात दिले.
सदर घटने बाबत पो.स्टे मदनुर तेलंगाना येथे मदनुर पोलीसांवर जिवघेणा हल्ला केल्या बाबत तसेच जनावरे चोरी बाबत वेगवेगळे गुन्हे दाखल करण्यात आले आहेत. जनावर चोरट्यांचा पाठलाग करुन आरोपी व वाहन चोरल्या जनावरासह पकडुन देण्यास मदत केल्याने मा. बी. श्रीनिवास रेड्डी पोलीस अधिक्षक कामारेड्डी राज्य तेलंगाना व मा. प्रमोदकुमार शेवाळे पोलीस अधिक्षक नांदेड यांनी कामगीरी बद्दल पोलीस अधिकारी अमंलदार यांचे विशेष कौतुक केले आहे.
