राष्ट्रीय स्तरावरील नाट्य पोस्टर स्पर्धेत “मोबाईल मंकीने” पटकाविला तृतीय पुरस्कार.
छ.संभाजीनगर दि.१७ :-
येथील एम जी एम च्या रूक्मीणी सभागृहात दि.१४सप्टेबंर रविवार रोजी [छ.संभाजीनगर ] चेतना फाऊंडेशन आयोजित डिजिटल डिटॉक्स महोत्सव- २०२५ आयोजित करण्यात आला होता.
या कार्यक्रमात पद्मश्री शकंर बापू अपेगावकर इग्लींश स्कुल मधील ईश्वरी किरण कुडलीकर [वर्ग४था] टीममधील स्पृहा, शाश्वती,[वर्ग६वा] अर्नव [वर्ग ५वा ] यांनी सादर केलेले “मोबाईल मंकी” हे नाटक विशेष ठरले.
त्या नाटकास तृतीय पुरस्कार मिळाला आहे.यामधे
रोख २१००रू .चा तृतीय पुरस्कार मिळवून यश संपादन केले आहे.या स्पर्धे मधे प्रथम किलकारी स्कुल पटना [बिहार]प्रथम,
तर बीडच्या जाजू स्कूल ने द्वितीय क्रमांक मिळविला आहे.
आपल्या आयुष्यावर मोबाईल व्यसनाचा होणारा परिणाम या विषयावर आधारित या नाट्य पोस्टर स्पर्धेसाठी संपूर्ण भारतभरातील १० राज्यातून ८७ शहरातील २६७ शाळेनी या स्पर्धेत सहभाग घेतला होता.
ही राष्ट्रीय स्तरावरील स्पर्धा होती.
या शाळांमधून “मोबाईल मंकी” या पी एस बी ए च्या शाळेने सादर केलेल्या नाट्य पोस्टर ला तृतीय क्रमांक मिळाला आहे.
या नाटिकेस सुप्रसिद्ध अभिनेत्री व सामाजिक कार्यकर्त्या डॉ. निशिगंधा वाड यांच्या हस्ते पुरस्कार प्रदान करण्यात आला.
या कार्यक्रमाला डॉ. निशिगंधा वाड व डॉ. चिनू अग्रवाल यांसारख्या मान्यवरांनी उपस्थित राहून आपली मते व्यक्त केली. त्यांनी किशोरवयीन व लहान मुलांमध्ये झपाट्याने वाढणाऱ्या मोबाईल व्यसनाबद्दल तीव्र चिंता व्यक्त केली. आज हे व्यसन तंबाखू व दारू इतकाच मोठा सार्वजनिक आरोग्याचा धोका बनत चालला आहे.
कार्यक्रमात डॉ. मार्क ग्रिफिथ्स यांच्या सिद्धांताचा वारंवार उल्लेख करण्यात आला. त्यांच्या संशोधनानुसार मोबाईल व्यसन हे वर्तणूक-आधारित व्यसन (Behavioral Addiction) असून ते दारू, जुगार यांच्या व्यसनासारखंच आहे.
बक्षीस मिळविण्याची प्रवृत्ती (Reward activation) – जुगारासारखी
विराम घेतल्यावर निर्माण होणारी लक्षणे (Withdrawal symptoms)
वारंवार नोटिफिकेशन / मेसेज तपासण्याची सवय (OCD सारखी लक्षणे)
अनिद्रा व चिंताग्रस्तता
हा कार्यक्रम खरोखरच पालक, शिक्षक व विद्यार्थ्यांसाठी डोळे उघडणारा ठरला.
या उपक्रमासाठी PSBA School ने विशेष परिश्रम घेतले आहेत.
चेतना फाऊंडेशनने राष्ट्रीय स्तरावर केलेले उत्कृष्ट प्रयत्न उल्लेखनीय आहेत.