येरगी येथे मराठवाडा मुक्ती संग्राम दिनानिमित्त ग्रामसभेचे आयोजन
देगलूर प्रतिनिधी,दि.१८:- देगलूर तालुक्यातील मौजे येरगी या चालुक्यकालीन ऐतिहासिक नगरीत मराठवाडा मुक्ती संग्राम दिनानिमित्त ग्रामपंचायत कार्यालयात ग्रामसभेचे आयोजन करण्यात आले.
या ग्रामसभेत मुख्यमंत्री समृद्ध पंचायत राज अभियान याबाबत सविस्तर माहिती देण्यात आली तसेच टीव्हीद्वारे कार्यक्रमाचे प्रक्षेपणही करण्यात आले. गावाच्या विकासाशी निगडीत अनेक मुद्द्यांवर चर्चा झाली.
यावेळी सरपंच, उपसरपंच, ग्रामपंचायत सदस्य, मंडळ अधिकारी, तलाठी, कृषी अधिकारी व कर्मचारीवर्ग, आरोग्य केंद्रातील अधिकारी व कर्मचारी, तंटामुक्त समितीचे अध्यक्ष, शालेय शिक्षण समितीचे अध्यक्ष, बचत गट,
रोजगार सेवक, लाईन मॅन, जिल्हा परिषद प्राथमिक शाळेतील शिक्षक, अंगणवाडी सेविका, बालिका पंचायत राज येरगी यांनी आपापल्या विभागातील माहिती ग्रामसभेसमोर मांडली.
गावातील प्रतिष्ठित नागरिकांसह विविध क्षेत्रातील मान्यवरांच्या उपस्थितीमुळे ग्रामसभा माहितीपूर्ण व यशस्वी ठरली.