धनाजी जोशी यांना आर्ट ऑफ लिविंग चा पुरस्कार जाहीर एक मे रोजी छत्रपती संभाजीनगर येथे मान्यवरांच्या हस्ते होणार प्रधान.
देगलूर प्रतिनिधी:- आर्ट ऑफ लिविंग संस्थेच्या ४५ वर्षांच्या अविरत सेवायज्ञाच्या निमित्ताने तसेच गुरुदेव Sri Sri Ravi Shankar यांच्या प्रेरणादायी जीवनाच्या ७० व्या वर्षपूर्ती निमित्त विशेष सन्मान सोहळ्याचे आयोजन करण्यात आले आहे. मानवी मूल्ये, अध्यात्म, सामाजिक बांधिलकी आणि निस्वार्थ सेवेला प्रोत्साहन देण्यासाठी हा कार्यक्रम आयोजित करण्यात येत आहे.
या पार्श्वभूमीवर आर्ट ऑफ लिविंग संस्थेमार्फत स्थापन करण्यात आलेल्या आणि गुरुदेवांच्या आशीर्वादाने प्रदान केल्या जाणाऱ्या प्रतिष्ठित ‘Art of Living Unsung Everyday Heroes Award’ साठी देगलूरचे सामाजिक कार्यकर्ते धनाजी जोशी यांची निवड करण्यात आली आहे.
धनाजी जोशी यांच्या सामाजिक कार्याचा लेखाजोखा संपूर्ण महाराष्ट्रासमोर मांडण्यासाठी त्यांची नांदेड जिल्ह्यातून युवा गटांमध्ये निवड करण्यात आली आहे. या निवडीचे अधिकृत पत्र छत्रपती संभाजीनगर विभागाकडून २२ एप्रिल रोजी पाठविण्यात आले.
हा गौरव सोहळा १ मे रोजी, सायंकाळी ५ वाजता, The Institution of Engineers (India) येथे आयोजित करण्यात आला आहे. या वेळी धनाजी जोशी यांच्या प्रेरणादायी योगदानाचा विशेष सत्कार करण्यात येणार आहे.
या पुरस्कारासाठी निवड झाल्याबद्दल मानधना सर व देगलूर आर्ट ऑफ लिविंग परिवाराच्या वतीने धनाजी जोशी यांचे अभिनंदन करण्यात आले असून, त्यांच्या पुढील वाटचालीसाठी शुभेच्छा व्यक्त करण्यात आल्या आहेत.