देगलूर पोलीस स्टेशनमध्ये नव्याने रुजू झालेल्या पोलीस निरीक्षकांचे स्वागत.
देगलूर प्रतिनिधि :- देगलूर पोलीस स्टेशन येथे नव्याने रुजू झालेले पोलीस निरीक्षक (PI) मा. श्री. सूर्यमोहन बोलमवाड यांचे सामाजिक कार्यकर्ते तथा अनेक पुरस्कार प्राप्त धनाजी जोशी यांच्या वतीने स्वागत करण्यात आले.
यावेळी धनाजी जोशी यांनी पुष्पगुच्छ देऊन त्यांचा सत्कार करत पुढील कार्यकाळासाठी शुभेच्छा दिल्या. शहरातील कायदा व सुव्यवस्था अधिक सक्षम करण्यासाठी पोलीस प्रशासन जनतेच्या सहकार्याने कार्य करेल, असा विश्वास व्यक्त करण्यात आला.
नवीन पोलीस निरीक्षकांच्या नेतृत्वाखाली नागरिकांच्या समस्या तत्परतेने सोडवून गुन्हेगारीवर प्रभावी नियंत्रण मिळवले जाईल, अशी अपेक्षा उपस्थितांनी व्यक्त केली. तसेच पोलीस आणि नागरिक यांच्यात समन्वय वाढून सामाजिक सलोखा अधिक बळकट होईल, असेही यावेळी सांगण्यात आले.
या स्वागत समारंभाला मोहम्मद बशीरमियाँ देगलुरकर, योगेश हवेलीकर यांच्यासह अनेक मान्यवर उपस्थित होते. उपस्थितांनी नव्या जबाबदारीसाठी पोलीस निरीक्षक सूर्यमोहन बोलमवाड यांना शुभेच्छा देत त्यांच्या कार्यकाळासाठी यशस्वी वाटचालीच्या शुभेच्छा दिल्या.