డీజీపీ సీవీ ఆనంద్ను మర్యాదపూర్వకంగా కలిసిన గైక్వాడ్.
బాన్సువాడ ప్రతినిధి విశ్వంబార్ కుల్కర్ని :- తెలంగాణ రాష్ట్ర పోలీసు శాఖ ప్రధాన అధికారి సీవీ ఆనంద్ను ఎస్సీ, ఎస్టీ జిల్లా ఉపాధ్యాయ సంఘం నిజామాబాద్ జిల్లా శాఖ అధ్యక్షుడు, దళిత సంక్షేమ సమితి జిల్లా ప్రధాన కార్యదర్శి రామ్చందర్ గైక్వాడ్, పాత్రికేయుడు వికాస్ గైక్వాడ్ శనివారం హైదరాబాద్లోని పోలీసు ప్రధాన కార్యాలయంలో ఆయన కార్యాలయ గదిలో మర్యాదపూర్వకంగా కలిశారు.
ఈ సందర్భంగా శాలువా, పుష్పగుచ్ఛంతో ఘనంగా సన్మానించి, రాష్ట్ర పోలీసు ప్రధాన అధికారిగా బాధ్యతలు స్వీకరించిన సందర్భంగా శుభాకాంక్షలు తెలిపారు.
ఈ సందర్భంగా గతంలో నిజామాబాద్ జిల్లా పోలీసు అధికారిగా పనిచేసిన సమయంలోని పాత జ్ఞాపకాలను గుర్తు చేసుకున్నారు. పోలీసు శాఖకు సంబంధించిన సమస్యలు ఏవైనా ఉంటే తన దృష్టికి తీసుకురావాలని సీవీ ఆనంద్ సూచించారు. ఈ భేటీ ఆత్మీయ వాతావరణంలో జరిగింది.