देगलूर प्रतिनिधी, दि.२३:- तालुक्यामध्ये व शहरांमध्ये आगामी शारदीय नवरात्र उत्सव समिती व धम्मचक्र प्रवर्तन दिनाच्या अनुषंगाने आज देगलूर मध्ये देगलूर पोलीस स्टेशन तर्फे शांतता कमिटीचे आयोजन करण्यात आले होते.
देगलूर तहसील कार्यालय च्या वरील मजल्यावर पंचायत समिती सभागृह या ठिकाणी नवरात्र उत्सव, धम्मचक्र प्रवर्तन दिन, RSS पथसंचलन, आर्य समाज अश्व मिरवणूक, रावण दहन सर्व सण उत्सव शांततेत व आनंदात पार पडण्याकरिता देगलूर पोलीस स्टेशनच्या वतीने शांतता कमिटीचे आयोजन करण्यात आले होते.
या बैठकीस मा अप्पर पोलीस अधीक्षक नांदेड श्री निलेश मोरे साहेब यांच्या मार्गदर्शनाखाली शांतता समितीची बैठक आयोजित करण्यात आली सदर बैठकीस मा. आमदार जितेश अंतापुरकर,तहसीलदार श्री कदम, नगरपालिका मुख्याधिकारी श्री इरलोड, एम एस इ बी अभियंता टेकाळे, माजी नगराध्यक्ष मोगलाजी शिरशेटवार, धोंडीबा मिस्त्री, कैलास येसगे, माजी सरपंच तमलुर श्री मांडे इत्यादी मान्यवर उपस्थित राहून हे उत्सव शांततेत कसे पार पाडतात येतील या अनुषंगाने आप आपले मते मांडली,तसेच हद्दीतील नवरात्र महोत्सव समिती चे पदाधिकारी हजर राहुन त्यांनी देखील मते मांडली.
यावेळी देगलूर चे मान्यवर व पत्रकार मंडळी देखील उपस्थित होते माननीय साहेबांनी उपस्थितांना डी जे, गुलाल, इत्यादी विषयांवर संक्षिप्त पणे मार्गदर्शन केले आहे सदर वेळी२०० ते २५० लोकांचा जनसमुदाय उपस्थित होता.
हा कार्यक्रम यशस्वीपणे पार पडावा यासाठी पोलीस कर्मचाऱ्यांनी विशेष परिश्रम घेतले.
