हैदराबाद प्रतिनिधी, दि.१० डिसेंबर:- नॅशनल इन्स्टिट्यूट ऑफ मायक्रो, स्मॉल अँड मीडियम एंटरप्रायझेस, हैदराबाद, भारत सरकारच्या सूक्ष्म, लघु आणि मध्यम उद्योग मंत्रालयाच्या संस्थेने, एएसबीएम विद्यापीठ, भुवनेश्वर, ओडिशा सह संयुक्तपणे देशातील पहिला MBA-MSME व्यवस्थापन अभ्यासक्रम सुरू करण्याची घोषणा केली.
शुक्रवारी सायंकाळी संस्थेत आयोजित पत्रकार परिषदेत संस्थेचे महासंचालक डॉ.एस. ग्लोरी स्वरूपा आणि ए.एस.बी.एम. विद्यापीठाचे संस्थापक अध्यक्ष प्रा. डॉ.विश्वजित पटनायक यांनी ही घोषणा केली. यावेळी व्यासपीठावर ऑक्सिजन एक्सप्रेस प्रा.लि. पीटर एच. जयकुमार, सह-संस्थापक आणि एम. रामकृष्ण, संस्थापक, मैत्री उद्योग हे देखील उपस्थित होते.
पत्रकार परिषदेला संबोधित करताना डॉ. ग्लोरी स्वरूपा म्हणाले की, देशात प्रथमच असा अनोखा एमबीए अभ्यासक्रम संयुक्तपणे तयार करण्यात आला आहे, जो पूर्णपणे एमएसएमई क्षेत्रावर आधारित आहे. दरवर्षी विविध पदव्या घेऊन उत्तीर्ण होणाऱ्या विद्यार्थ्यांसाठी रोजगारक्षम उद्योग क्षेत्राशी असलेली दरी भरून काढण्यात हा अभ्यासक्रम यशस्वी ठरेल, असे ते म्हणाले. तसेच, हे एमएसएमई क्षेत्राला उद्योगाच्या सर्व पैलूंचे ज्ञान असलेले व्यावसायिक प्रदान करेल असेही म्हणाले.
ASBM विद्यापीठाचे संस्थापक अध्यक्ष डॉ.बिस्वजित पटनायक यांनी या नाविन्यपूर्ण अभ्यासक्रमासाठी पुढाकार घेतल्याबद्दल भारत सरकारच्या राष्ट्रीय सूक्ष्म, लघु आणि मध्यम उद्योग संस्थेचे कौतुक केले. त्यांनी सांगितले की सुरुवातीच्या टप्प्यात फक्त ६६ उमेदवारांना या नवीन अभ्यासक्रमात प्रवेश घेता येणार आहे.
यासाठी इच्छुक उमेदवारांना राष्ट्रीय स्तरावरील सामाईक प्रवेश परीक्षा किंवा एएसएम विद्यापीठाची प्रवेश परीक्षा उत्तीर्ण करावी लागेल. त्यानंतर संबंधित उमेदवाराची मुलाखत घेऊन पात्र उमेदवारांची निवड केली जाईल. या दोन वर्षांच्या अभ्यासक्रमाची फी ४ लाख ३६ हजार इतकी असेल, जी देशातील सध्याच्या एमबीए अभ्यासक्रमांमध्ये सर्वात कमी आहे.
गरज भासल्यास पात्र विद्यार्थ्यांना अभ्यासक्रमात प्रवेश घेण्यासाठी शैक्षणिक कर्जाची सुविधाही उपलब्ध करून दिली जाईल, असेही त्यांनी सांगितले. याशिवाय, अभ्यासक्रम पूर्ण केल्यानंतर कॅम्पस सिलेक्शनद्वारे उमेदवारांना रोजगार उपलब्ध करून दिला जाईल किंवा स्वयंरोजगारासाठी मदत ही करणार असल्याचे सांगितले.
