देगलूर प्रतिनिधी, दि.२९:- देगलूर तालुक्यातील शेळगाव (नरसिंह) गावात काल रात्री भावाच्या हत्येच्या घटनेने संपूर्ण परिसरात खळबळ उडाली आहे.
मिळालेल्या माहितीनुसार, दि. २८ सप्टेंबर रोजी रात्री सुमारास 8.45 वाजता शेळगाव ग्रामपंचायत जवळील अनिल उप्पलवार यांच्या घरासमोर गावातील काही युवक गप्पा मारत बसले होते. त्यावेळी आरोपी सोमेश मारोती राजुरे (वय १६) हा तेथे आला. त्याने फिर्यादी अर्जुन माटलवार यांच्या भावाविषयी संशय व्यक्त केला की, त्याने त्याच्या बहिणीची छेड काढली आहे.
या कारणावरून आरोपीने संतोष परमेश्वर माटलवार (वय २८, जात लिंगायत) याच्या उजव्या कानाखालील गळ्यावर धारदार चाकूने वार केला.
या हल्ल्यात संतोष गंभीर जखमी होऊन जागीच मृत्यूमुखी पडला. घटनेनंतर ग्रामस्थांमध्ये भीतीचे वातावरण निर्माण झाले.
या घटनेवरून देगलूर पोलीस ठाण्यात गुन्हा क्रमांक ४७८/२०२५ भा.दं.वि. कलम १०३ (१) अंतर्गत खुनाचा गुन्हा दाखल करण्यात आला आहे. फिर्याद संतोषचा भाऊ अर्जुन माटलवार याने दिली असून सहाय्यक पोलीस निरीक्षक अश्रुदेव पवार यांनी गुन्हा दाखल केला.
घटनेची माहिती मिळताच पोलीस निरीक्षक मुंडे, उपविभागीय अधिकारी गोसावी, तसेच तपास अधिकारी PSI फड यांनी घटनास्थळी भेट देऊन पंचनामा केला. पुढील तपास सुरू आहे.