श्री पुरुषोत्तम महायज्ञ व महालक्ष्मी कुंकुम अर्चना सोहळ्याचे हैदराबादमध्ये आयोजन.
हैदराबाद, प्रतिनिधी : भगवान श्रीविष्णू व महालक्ष्मी यांच्या कृपाशीर्वादासाठी आयोजित करण्यात आलेला श्री पुरुषोत्तम महायज्ञ व महालक्ष्मी कुंकुम अर्चना सह विष्णू सहस्रनाम पारायण हा भव्य धार्मिक सोहळा येत्या २२, २३ आणि २४ मे २०२६ रोजी हैदराबाद येथील व्यासाश्रम येथे मोठ्या भक्तिभावाने संपन्न होणार आहे.
या तीन दिवसीय आध्यात्मिक कार्यक्रमामध्ये वैदिक मंत्रोच्चारांसह पवित्र यज्ञ, महालक्ष्मी कुंकुम अर्चना, विष्णू सहस्रनाम पारायण, गौसेवा तसेच अन्नदान यांसारखे विविध धार्मिक उपक्रम आयोजित करण्यात आले आहेत. या पवित्र सोहळ्यामुळे सहभागी भक्तांना मानसिक शांती, आर्थिक समृद्धी, कुटुंबातील सुख-समाधान आणि आध्यात्मिक उन्नतीचा लाभ होईल, असा आयोजकांचा विश्वास आहे.
कार्यक्रमात कुटुंबासह सर्व श्रद्धाळू, भक्तगण आणि धर्मप्रेमी नागरिकांना सहभागी होता येणार आहे. जीवनातील अडथळे दूर करून सुख-समृद्धी, आरोग्य आणि सकारात्मक ऊर्जा प्राप्त करण्यासाठी हा कार्यक्रम विशेष लाभदायी ठरणार असल्याचे सांगण्यात आले आहे.
या धार्मिक सोहळ्याच्या निमित्ताने गौसेवा आणि अन्नदान यालाही विशेष महत्त्व देण्यात आले असून, भक्तांना पुण्यसंचय व ईश्वरी कृपा प्राप्त करण्याची ही सुवर्णसंधी असल्याचे आयोजकांनी नमूद केले आहे.
अधिक माहितीसाठी इच्छुकांनी ९०१४८६७८४५ किंवा ९३९४७३७८४५ या क्रमांकांवर संपर्क साधावा, असे आवाहन करण्यात आले आहे.