Category: नांदेड़

नांदेड प्रतिनिधी दि.०९ :- देगलूर तालुक्यात आज एक मोठा राजकीय भूकंप घडला आहे. राष्ट्रवादी काँग्रेस पक्षाचे नेते आणि लोहा विधानसभा मतदारसंघाचे आमदार प्रतापराव पाटील चिखलीकर यांच्या उपस्थितीत देगलूर शहरातील अनेक प्रमुख पदाधिकारी आणि कार्यकर्त्यांनी राष्ट्रवादी काँग्रेस पक्षात जाहीर प्रवेश केला.

कंधार येथील आमदार चिखलीकर यांच्या संपर्क कार्यालयात झालेल्या या भव्य कार्यक्रमात देगलूरचे माजी नगरसेवक दिगंबर कडलवार, भाजप शहर उपाध्यक्ष बालाजी मैलागीरे, उ.बा.ठा. शिवसेना शहरप्रमुख रवी उल्लेवार, सुभाष अक्यमवार, नागनाथ आपस्लवार, सुधाकर उल्लेवार, श्रीनिवास उल्लेवार, राजू पांडलवार, शैलेश पांडलवार, गंगाधर कडलवार, सचिन कडलवार, किरण कडलवार, रितेश यरगलवार, लक्ष्मण आरगुलवार, बालन्ना मैलागीरे आदींनी राष्ट्रवादी काँग्रेस पक्षात प्रवेश केला.

या पक्षप्रवेशामुळे देगलूर तालुक्यातील विरोधी पक्षाच्या गोटात मोठी खळबळ उडाली आहे. दीर्घकाळापासून विविध पक्षात कार्यरत असलेल्या या स्थानिक नेत्यांनी राष्ट्रवादी काँग्रेसमध्ये प्रवेश केल्याने देगलूरमधील राजकीय समीकरणे बदलण्याची शक्यता व्यक्त केली जात आहे.

या वेळी गंगाधर बत्तुलवार, दिगंबर कौरवार, बब्बलू टेकाळे, ओंकार उल्लेवार, पिटू सुरकुटलावार यांच्यासह अनेक मान्यवर उपस्थित होते.

आ. चिखलीकर यांच्या नेतृत्वाखाली देगलूर आणि परिसरात राष्ट्रवादी काँग्रेस पक्ष सातत्याने बळकट होत असल्याचे चित्र निर्माण झाले आहे. या नव्या प्रवेशामुळे आगामी निवडणुकांमध्ये राष्ट्रवादी काँग्रेस पक्षाचा झेंडा अधिक भक्कमपणे फडकताना दिसेल, असा विश्वास पक्षकार्यकर्त्यांनी व्यक्त केला आहे.